Хач ва аҳкоми он 1.4

Ҳаҷ рукни панҷуми ислом буда, бар мусулмонони оқилу болиғ (ба балоғатрасида) ва озод, ки имкони молию баданӣ дорад, фарз аст. Яъне, ҳаҷ ба кӯдакони ноболиғ, афроди камақл ва мардуме, ки пули рафтуомад надоранд, фарз нест. Дар ин хусус дар сураи "Оли имрон", ояти 97 омадааст: "Ва ҳаҷҷи ин хона (хонаи Каъба) воҷиб аст бар касоне,ки тавоноии (молию баданӣ) барои рафтан ба он ҷоро доранд. Ва ҳар кас (ҳаҷҷи хонаи Худоро ба ҷо наёварад, ё аслан ҳаҷро напазирад ва ба ин восита) куфр варзад, (ба худ зиён расонидааст, на ба Худо) Худованд аз ҳама ҷаҳониён бениёз аст".