Síminn Pay 2.3.1

SíminnPay er greiðslulausn sem Síminn býður í formi Apps á Google Play og í Apple App Store.

Notandi getur skráð greiðslukort sín (debet- og/eða kreditkort) í SíminnPay og getur eftir það greitt með skráðum kortum hjá söluaðilum sem taka við greiðslum með lausninni. Notandi auðkennir greiðsluna í gegnum Appið og er greiðslukvittun frá söluaðila gerð aðgengileg í Appinu að viðskiptum loknum.


Til þess að notandi geti notað lausnina SíminnPay þarf hann að hafa:

- snjalltæki (snjallsíma eða lófatölvu) þar sem hann hefur hlaðið niður SíminnPay úr App Store, eða Google Play,
- greiðslukort (debet- og/eða kreditkort) útgefið á Íslandi
- farsímanúmer
- netfang

Við nýskráningu ber notanda að auðkenna sig, annað hvort með rafrænum skilríkjum í lausninni eða með notkun kóða sem notandi fær sendan í netbanka sinn.

Að innskráningu lokinni skal notandi velja PIN sem notandi skal nota til auðkenningar í hvert sinn sem hann greiðir með SíminnPay eða fingraskanna.

Nánari upplýsingar inná www.siminn.is/pay